|
|---|
|
|
|
|
|
|
p********l
发帖数: 2032 | 1 【 以下文字转载自 GreatPit 讨论区 】
发信人: peoplehill (恋旧), 信区: GreatPit
标 题: 『高考征文』上海：心灵闪过的微光 （带图）
发信站: BBS 未名空间站 (Fri Jun 8 08:47:17 2012, 美东)
『上海高考题』心灵闪过的微光 （征文要求：不要写成诗歌，800字，可以配图）
如果我也能光靠充电.....
啊，大家晓得，手机电脑充充电一直可以用下去。做啥体人不可以？啊，我就幽过悳格
老戆格念头，个格就是我心灵高头闪过格微光。
-- 个能样子，我就不用上班赚钞票为买么事吃么事活着 - 人的需要光充充电就可以了，
个能样子我现在有的钞票足够缴一生一世格电费了，出门买好点电池充电器，电线头一
段可以插到耳朵搭上电，或者啊可以wi-fi是弗是更加赞啊？
-- 个能样子，阿拉交交关关格人全弗用上班，去拼命淘钞票为了阿拉格只胃。弗上班
了，更谈不上落脱饭碗头，担心吓人格失业，要去悳老板吵相骂，弄得弗好要悳人家打
相打。
-- 个能样子，阿拉格个社会治安啊，交通安全啊全会得好交交关，是伐？老监可能要
关门，医院弗要排队，阿拉弗要担心今朝明朝买啥么事吃，用弗着牵记上网，搭之到报
纸高头噔大眼睛寻吃格只哭胖。饭馆啊食堂啊到辰光全会大大减少了，所有食品行业的人
全部用弗着了，转到要交关惬意有交关惬意格行当里去了。
-- 个能样子，屋里厢弗要烧饭了，用弗着介起劲起早摸黑去上班了，弗要天天担心迟
到困过头格问题了，心理压力唔么了，介许多神经病精神病医生护士，反正所有搭食品
吃饭弗大搭界格专业人士全要想办法去重新读书拿其它执照了。
-- 个能样子，好白相格地方相应多出来了。因为阿拉人全弗要吃了呀，大家就有格是交
关辰光除脱困觉（这是阿拉最需要的）、搭之上网灌水，还有其它还是需要做格事体外
，阿拉到辰光老是要动脑筋想去啥地方白相啊，来消磨介许多空闲格辰光。大马路小弄
堂里可能全是唱歌跳舞格人，一起热闹蛮好白相格。对了，狗啊，猫啊，老鼠啊，得人
一道唱啊跳啊，因为伊拉啊全弗要吃了，肚皮饿了就充充电好来。
-- 个能样子，阿拉用弗着担心啥个让侬翘辫子变戆大格毒大米，假鸡蛋，地沟油，撒水
（尿）做出来格牛奶，等等，等等，听起来都交关腻心啦，弗讲吃了。屋里厢格解毒消炎
，肚皮撒格药阿拉全弗要了。救护车，消防车要慢慢交改装成旅游趟马路观光车子了。
-- 个能样子，阿拉相信格个环境全会得好交交关 -- 基本上可以回到得天独厚格自然
条件，海陆资源丰饶；人文，天文，地文..等等，等等，环境搭之景观全会大大改观。
人与自然和谐相处，生机无限，地球，生物寿命全会得到延长，讲弗定生物包括人全可
以百年以上长寿命；讲弗定因为交交关关行不郎当格海鲜动物唔么人再去捉来弄来吃，
慢慢交电影里梦幻里才有格个恐龙飞鸟或者各种各样稀奇八卦格吉娃娃功夫熊猫真格会
现世。
-- 个能样子，阿拉有人会担心人的嘴巴功能，肠胃功能是弗是会得退化？弗担心，
起码阿拉弗担心，阿拉人格器官会得按照人格需要和定位来长格。就像可能阿拉在格个
旧格老早老早格辰光，双脚板是望后头长格，当时因为追捕动物时老被后面人踏得痛得
来，后来大家格脚板就慢慢交进化往反格方向长了。人格鼻头听讲最早是鼻孔向上格容
易打呼吸（格个还要进一步考证），后来大自然雨水进到鼻头里厢太多呛得不来赛，
鼻子就朝反方向倒过来进化，成现在这嫩格向下格样子，这能还比较接近嘴巴，方便吃
么事前头先闻一闻弗要吃错。如果弗要考虑吃么事，所以鼻头又只要那能方便呼吸就那
能那能长，所以格个嘴巴将来可能要搬家，将来可能会移到离心房或者肚皮近一眼眼格
地方，因为疙瘩地方是共鸣箱 --- 嘴巴一张开，一唱歌一讲闲话全世界全能听到，
到辰光再听了。另外，阿拉身材好格人会得越来越多，人可以腾出来交关辰光，一天到
晚可以跳舞搭之荡马路走来走去锻炼，充充电吃吃水就可以了，水养出来越来越多格高
帅富、白优美，啊，到辰光再看了......。
滴个光现在当然是微光，是神话，是瞎话，不过到辰光难讲，讲佛定会成为强光，比太阳
还要强。阿拉就想想老辰光啥人晓得阿拉爱面头搭之格面头的通讯，现在可以用手机加
嘎发达的电脑。所以现在阿拉一丝丝，一眼眼格微光，希望和梦想成真。到辰光讲弗定
“人只要充充电，用弗着吃饭”改变了全世界，搭之全人类，是伐？ | p********l
发帖数: 2032 | 2 评语老师说我写的什么看不懂。下年好好再来考，好好说话，不要说浦东话，这是普通话
考试。唉唉唉，气杀脱了。
我晓得低格完全是虾七搭八白相相，伊拉有唔么讲清爽不能写方言。
不过阿拉最最亲耐格上海老乡们，请纳大家去帮我翻译下，南翔小笼包子等好啦嘿，佛
要去吃冷忒了。 |
|
|
|
|
|
|
