|
|---|
|
|
|
|
|
|
i*****y
发帖数: 3449 | 1 由張紀中製作、號稱耗資一億人民幣打造的2011年內地劇《西遊記》，前晚在無綫首播
。由於該劇聚集一眾港人不熟識的臉孔，加上是三年前的倉底貨，未開播已不被看好，
而前晚播出後，網民不滿情緒即時爆標，紛紛在討論區留言聲討劇集，指摘該劇太膠，
甚至去信通訊事務管理局，要求無綫腰斬爛劇。
無綫早前突然抽起黎耀祥和蘇玉華主演的劇集《載得有情人》，改播張紀中製作的內地
劇《西遊記》，並安排在八點半合家歡黃金時段播出。該劇除扮演沙僧的徐褰瓰楦廴耸
熳R外，其他主要演員吳樾（飾孫悟空）、聶遠（飾唐僧）和臧金生（飾豬八戒）等都
比較陌生，加上這是三年前作品，在YouTube已可觀看全集，故劇集未開播，網民已在
討論區留言表示不滿。
■當年在《西遊記》中飾演唐僧的江華，對無綫黃金時段播外購劇不明所以。劇照
■當年在《西遊記》中飾演唐僧的江華，對無綫黃金時段播外購劇不明所以。劇照
廣管局收投訴
這齣號稱耗資一億人民幣，又聲稱有《魔戒》幕後班底傾力炮製的《西遊記》，前晚在
爭議聲中首播，結果一如所料，一播便被網民罵個體無完膚！綜合網民指摘，大部份不
滿劇集的特技太「小學雞」，那好比過氣電玩遊戲的特效令人不忍卒睹；其次是化妝技
巧拙劣，無論是天庭的天兵天將，抑或海底的蝦兵蟹將，都儼如怪物般猙獰恐怖，有網
民擔心小朋友看後會發噩夢，實不適合合家歡時段播出。
至於劇中孫悟空身為《西遊記》主角，造型核突不在話下，網民直斥其動作浮誇得似智
障，一點也不英偉，跟張衞健版本的孫悟空相差太遠。然而，網民最關心是，無綫剪輯
的版本共55集，換句話說，這齣劇要佔據無綫免費電視的黃金時段長達兩個月。唐僧取
西經需經歷九九八十一難，難道港人也要熬個八八六十四天？加上港視開台無期，亞視
不提也罷，難怪網民怨聲四起。昨日已有網民發起罷看及要求無綫腰斬該劇，而通訊事
務管理局則收到27個投訴，內容包括特效誇張粗糙、人物造型令人不安，不宜兒童觀看
及非本地創作等。
對於網友狂插內地版《西遊記》，身在內地的張衞健昨在電話中說：「真係冇睇，唔知
喎。」網友力撐當年他扮演的孫悟空，健仔說：「對於自己角色，過咗去就過咗去，好
少回味，因為拍嘅時候已經成日對住，多謝大家仲記得我嘅孫悟空。」他還好奇問無綫
是否安排在J2台播內地版？當得悉是翡翠台黃金時段出街，他愕然說：「咁真係唔知呀
，冇睇過好難評語。」
江華：冇劇播咩
當年飾演唐僧的江華昨也在電話說：「我冇睇過內地嗰套《西遊記》，可能我哋嗰套《
西遊記》啱口味。」但當獲悉該劇在黃金時段播後，他反應頗大：「8點幾播外購劇，
TVB冇劇播咩？TVB冇製作咩？點解要買人哋嘅劇返嚟播？TVB係電視王國，又係大台，
本來買外購劇唔出奇，但擺喺黃金時段播，我覺得好奇怪，真係有啲匪夷所思。」
問江華會否覺得無綫播外購劇「自拆招牌」？他笑說：「TVB有好多人才，冇乜理由需
要買外購劇擺喺黃金時段播，可能佢哋有佢嘅理由，我哋冇辦法去識破。」會否有興趣
睇？他說：「我冇乜興趣睇，正所謂唔怕你唔識貨，最怕你貨比貨，只要一比較，就會
有高低，可能香港觀眾太愛我哋，所以有第二版嘅《西遊記》，高低就咁出咗嚟，真係
多謝佢哋。」
採訪：何慧斯、皓騫
香港三大討論區一向代表不同階層人士，前晚無綫首播內地劇《西遊記》，眾網友鮮有
意見一致，齊聲怒轟太膠，連無綫官網討論區的網友也加入聲討行列。
高登討論區
AGX：「班馬騮講嘢個口唔識郁，𠵱隻孫悟空唔係幾十集都係咁啩。」
密瓜樹angel：「啲特技好膠，昨（前）晚我出完post就熄咗。」
妻目前犯：「（強國西遊記）睇到食唔落飯，有冇巴打一齊投訴？遲啲隻豬出埋嘅話，
我驚自己食幾多嘔幾多。」
親子王國討論區
bb130505：「因西遊記角色化妝嚇親小朋友，情節亦教壞細路，希望調去深夜時段……」
莊凌圍：「唔係罷睇，頭先見到啲人，怪怪哋，啲化妝幾娘，同以前張衞健西遊記簡直
冇得比，呢套大陸版西遊記用兩個字形容──垃圾。」
ABBC：「冇用㗎，tbb都唔理民意嘅，佢隨時係俾大陸人睇，理鬼我哋港人咩？
惟有熄電視一個鐘喇！」
香港討論區
艾尾尾：「一億垃圾劇，豆腐渣劇，錢往哪裏去？成億荷李活班底特技都請到喇。」
九連寶燈：「爛膠港劇都好過呢套，平時就算我冇睇開電視，屋企人睇緊都會走埋去望
兩眼，𠵱家屋企人直情電視都唔開啦！」
MHVMHV：「想知係邊位高層決定買，及播西遊記的有冇問責㗎？佢係基於乜信念
覺得呢套劇係得嘅呢？」
tvb.com討論區
qq_house：「TVB擺明報仇啦，咁多人撐王維基，香港電視開唔到台，你哋冇得轉台，
仲唔迫住睇爛劇西遊記咩！所以我哋要爭氣，熄電視，腰斬……」
CrystalChan333：「頭先睇咗一集，失望，超差，造型唔得，膠到唔識講，化妝差，好
假好樣衰，十年前張衞健嗰套西遊記仲好睇過佢。」
kenixtgn：「本土沒人才嗎？TVB為甚麼要在黃金時段播出一套，無論在內地或HK都惡
評如潮的大陸片《西遊記》，扼殺HK藝人演出的機會。 |
|
|
|
|
|
|
