|
|---|
|
|
|
|
|
|
q****3
发帖数: 2223 | 1 2013年2月18日 | 分類: 文藝交流,最新文章綜覽 | 作者: 林婷欣 , 思兼
恒生商學書院曾經是香港的尖子搖籃，「辛辛」學子夢寐以求既學校，入到去彷彿只係
坐響入面就有A。上年隨著A-Level既完結正式成為歷史，A常在的崔康常校長亦即將離
任恒生管理學院校長一職，另謀高就。
時代過去，隨著高考而來淚印與歡笑都隨之被沖擦掉。然而當年五六百個A既背後，究
竟點樣讀先可以有呢個現代神話既出現？神話的光芒下，它既影子又有多長呢？今日恒
商畢業生思兼（2010）與婷欣（2012）與大家分享這段秘辛。
一、開始你點解入恒商既？同埋幾分入恒商？
思兼：當初舊校長應承左我班既英文老師唔會轉，結果新校長調走左佢，諗住自己23分
又唔係無本錢走，半意氣用事咁就走左。故打算去恒商博一搏，一開頭唔收的，但最後
因為當年收生策略既問題，可能收唔齊360人，所以打電話叫我返去，最後我23分都收
左，記得有人講過我當年平均分係25分。
婷欣：我27分入黎既，其實入黎有兩個原因，一開始以為自己中意商科，當初仲以為自
己對BBA有興趣，最後了解多左，覺得自己唔想做一個金錢奴，結果做左個浸大傳理人
。不過，主要原因其實係同舊校關係唔好，唔想留低係舊校，詳細就唔講啦，哈哈。
二、咁你覺得呢間學校既同學點樣？
婷欣：個貧富差距真係幾大，有人有錢到住幾億豪宅，有人窮到無錢補習。至於nice唔
nice就一半半啦，正正常常既一定有，好mean既都唔少，例如見過人唔肯借試卷比人印
，亦都聽師兄講過宿舍發生有人將其他人既筆記，掉落廁所門口個垃圾筒，部分同學同
人鬥爭既心係強到不得了。
思兼：同學總體來講都算nice同埋真心，但係你一定要唔好咁介意個物質差距，班同學
的確有唔少人係比普遍人富裕有福。都會有同學對呢樣野有心病，但係無得避，好多都
係有錢仔女，最少都中產啦係唔係？我都遇過好mean既人，例如話有人笑你著衫唔好睇
，私底下同阿sir講話唔想同你坐，呢D細眉細眼既位好似微不足道，但係對於本身已經
唔係太有自信既人黎講可以係好hurt既一件事。
三、係唔係個個人都係一心想入商科？
婷欣：呢班同學入面，有人係由一開始就好明確知自己想揀乜野科，亦聽過唔少人到最
係仍然唔知自己想讀乜，結果就是但囉，讀住商科先。有一部分係出於屋企壓力，唔揀
得自己真正有興趣既野。亦都有人爆冷，無啦啦多左幾條A出黎，但自己本身最有興趣
果科比較頹，然後就開始比身邊d人說服喇，黎黎去去都係果句，唔揀神科浪費左喎！
但係，成績好同讀神科，點解要畫上等號？
思兼：Opportunity Cost，係每個恒商人都一定知道既concept，更容易比呢個concept
所困。讀完三大BBA好多時都有MT（Management Trainee）見，咁起碼將來唔會太灰機
既。
婷欣：我識得有人成日話想上巴士（Global Business，環球商業，全香港收分最高的
科目），想入ibank （投資銀行）我問佢，你話想做ibank，其實你知唔知係做乜咖？
佢答我，唔知喎，我淨係知可以賺到好多錢。果D幾條A揀BA、 Sosci既人，就變成恒商
既傳奇，因為好多人覺得佢地係反其「道」而行。（參考：http://www.hssc.edu.hk/scg/jupasPast.php?year=2011）
四、話時話，聽講你地無乜大志，讀得好hea咖喎，係咪呢哈哈？
婷欣：我無心機讀，係因為間學校太自由，我又唔似得身邊d同學咁有鬥心，於是好唔
自律，你知啦，恒商走堂話都無咁易，請假自己打電話返去就搞掂，早退拍下卡就鬆人
，我班試過三十幾人走到淨返十個人都無。不過，自由其實都係呢間學校成功既地方，
對於叻既學生黎講，其實自己都搞得掂，好多人覺得你困佢係課室，係浪費緊佢時間。
而且，頭果年我甩得太勁，之後就好難追啦，好彩最後考得都可以。我自己懶，我認係
我抵死既，不過有部分同學好專心好勤力，但可能欠左少少慧根，跟唔上進度，個老師
幫唔幫你都係睇佢好唔好人，但學校對呢類學生根本support唔多。
思兼：學校真係唔會照顧個別差異係真既，我Maths & Stat 考試卷得27分，拉埋平時
分都唔合格。恒商卷又難，去到考試我根本完全唔知自己做緊乜，但佢係完全唔會stop
，繼續去。結果我中七就無辦法之下唔可以唔drop。我有去補底班，但係我都唔係覺得
自己pick up返到好多就收皮。
五、你覺得間學校點解可以拎到咁多A？
婷欣：恒商筆記，出面D人吹到天上有地下無幾百蚊都照買，其實我唔覺得有咩咁好，
實際上恒商學生都係溫返補習社筆記。老老實實，其實連老師質素都好參差，唔係個個
都好。
思兼：無錯，我從來唔覺得econ份notes有咩用處，講起班老師，我從來唔明教我中六
econ個啊sir講咩，曾經問佢點解A岩，佢答：「因為B、C、D都錯囉！」學校咁多狀元
，其實都係good input good output：自動波溫書，好多人真係睇曬張五常果幾本經濟
解釋，我更加有朋友將會計既Past Paper做左成20次，基本上除非他出cheat既姐，如
果唔係倒背個方法出來都分分鐘無問題。有好老師當然事半功倍，但亦唔見得冇好老師
佢地會差得去邊。
婷欣：恒商係一個反映到進步主義同精英主義既地方，同學仔成日講笑話我地既校訓係
「康常在，A常在」。學校本身好強調奪A同成功畫上等號，週會既時，校長成日都有新
既「傳奇」同我地分享，但內容總離不開，某某人好刻苦，晚晚食杯麵，加埋校長同學
校鼓勵，最後拎左幾多條A做左狀元，但佢從來無同我地講過，有無人一條A都無，畢業
後仍然好成功。
思兼：我入hall聽崔康常講野既時候，最鍾意既消閒活動就係數下校長講左幾多個A字
，佢最鍾意講既詞語就係「增值」，由幾多個A變成幾多個A，記得有一次他開一次週會
講左17次A字（哈哈）。其實越黎越多人慕名而來，收生質素越黎越高，咁好難唔多左A
咖喎。
六、你覺唔覺得入面既讀書氣氛濃厚得有點誇張？
思兼：當年我住宿舍，有人夜到兩三點訓，有人早到七點起身，無論幾點都會有人溫緊
書。圖書館溫書係要一早霸定靚位，D人多到不得了。宿舍自修室基本上係長期奮戰既
狀態，好多已經變左專屬位，長期有人擺野，甚至連乾糧都攞埋上來，十足十去行軍打
仗咁。當年同班朋友在裡面日夜苦戰考Mock，係得食飯時間叫做輕鬆少少。當咁多人咁
熾熱既溫習氣氛既時候，其實你唔溫係會有罪咎感。好多人唔知講笑定講真咁話：葡萄
適、咖啡、綠茶都就快飲到無用，唔知係擾敵定係咩啦，但係咁既環境的確係逼到你溫
書。
婷欣：我考mock果陣，試過唔止一次有人考考下暈低左，真係好搏命。同埋恒商有自己
既獎學金啊嘛，狀元保送去外國讀書喎，有邊個無幻想過自己係幸運兒？不過班學生咁
搏命，其實都係因為好多人都有好明確既目標，成日都係班上面聽到同學講想考幾多個
A。而且身邊個個同學都溫緊書既時候，自己就會唔敢玩，乖乖地溫埋一份，將所有讀
書既精英聚埋一齊，自不然讀書氣氛就會好好，但壓力亦會隨之而黎。
七、讀左兩年，你係學校入面記憶最深係邊件事？
婷欣：恒商每年有一個傳統，成績3A既同學係落hall拎成績表，成績比較弱雞既同學就
要留返係課室派。班主任入到黎，會開始讀一個3A以上既名單，讀左名就可以落hall，
個感覺就好似宣佈生死咁。當然我係無份落去既，所以見證住課室「被判決」既畫面，
完全係一片愁雲慘霧，淨低係課室既人，好多都係度狂喊，無乜人講野，靜到乜咁，諗
返都覺得好殘忍。
思兼：我當然都係留響班房既敗者組，但其實呢個所謂敗者組連2A都有，比著大部分中
學已經係家山有福，拜得神落。呢個政策完全係用黎build up恒商既image，亦都表現
到恒商係個點既地方，對於恒商呢個brand，你無A唔該你自己收皮。其實每年都有成百
幾人無A，但無A既人係唔會有人理，標籤左無A係失敗者。有D老師係課室派完成績，望
住班係度喊既同學寒暄兩句就走落Hall，呢個時候仍然留低既老師，你就知道係真正既
好老師。我同我個朋友一個A都無，連大學都唔知入唔入到，彷彿變左兩隻互相舔傷口
既幼畜，互相安慰。
婷欣：我覺得呢間學校係香港教育上講求成績同進步既一個極端位，點解恒商等同成功
呢個brand image出到黎，被塑造成一眾尖子趨之若驚既學府，都要個社會本來就認同
成績同成功之間既關係。我唔明白點解公開考試會成為一個年青人成功與否既criteria
，社會上一班讀書唔成既人被人標籤做失敗者，其實講到尾只係班尖子係個教育制度入
面爬左人地頭，但咁樣唔等同成功。
思兼：無錯，係恒商，A同non-A既差距係好大，只要你無左條A，唔人會理你係BCDE定
咩，A or nothing。我自己覺得，恒商好強調狀元、爭榮耀既心態。傳媒幫手鼓吹，其
實都係因為銷量依附係最多人相信既意識形態，狀元既奇觀、A工廠既傳奇，夠曬多人
圍觀，邊個話現代無狀元？呢度咪有囉！然後個重點係，我地而家既社會原來仲係好似
以前咁，唔係強調話因材施教，各展所長，而係狀元、榜眼、探花，呢種老舊到死既思
維。香港既教育，即使到而家呢一刻，都唔知咩叫人本位既教育，堅持社會本位，就自
然會循商業社會既玩法走。
婷欣：啊，講開我記得有人傳過校長話如果唔係有佢，恒管班學生邊有書讀。唔知係唔
係真啦。不過而家崔康常都走了，講咩其實都已成過去。
八、恒商有咩神秘傳說？
婷欣：好搞笑咖喎，D傳說都係同A有關，例如D同學成日爭住同校長握手，佢地話握一
次手就會有一個A（笑）。
思兼：恒商既所有傳說都同崔康常有關（笑），例如成日傳聞校長朝朝都會起身游早水
，由於他實在係太早，聽聞係五六點，無人知道係真定假。但果個泳池係私家泳池咁制
啦 XD。
九、咁你覺得自己係呢間學校學左乜野？
思兼：（笑）受過傷，先知道要堅強，受委屈，先會學懂原諒。我學識左無論面對邊個
生活水平既人都不卑不亢既能力、逆境情商、制度既恐怖。還記得常與朋友打趣說：我
哋入唔到三大，係恒商既黑歷史；咁當然只係自我解嘲，其實已經唔介意，亦介意唔來。
婷欣：我覺得入黎恒商，一係你要對自己成績好有信心，一係你要EQ好高，唔係既話你
會痴線。（可惜勸告無效，因為間學校已經執左，哈哈）我識得有個師兄，係恒商因為
壓力太大而患左情緒病，最後高考撻Q。
無論怎樣說，當日風光的學生隨著入大學而被慢慢磨平菱角。那一日全港的頭版究竟帶
來了甚麽，不是當事人的我們不會清楚知道。恒商是香港社會的寫照，暗啞底的分層分
級，你不說我不說但心照不宣。也許曾經在舊校天真的模樣也要因為成熟這個理由藏起
一點點。
食得鹹魚抵得渴，朋友在這幾天都在說。還記得有在恒商讀了一個月就退學的同學，而
家連影都找不到；也許我們在分享不是屬於我們的光輝的時候，隨之而來的就是這種不
為人知，被猛食花生的唏噓與淒酸。
還記得進恒商的第一個月，那很不習慣的第一個月，思兼某夜在宿舍起床，外面寥暗的
燈光，那時候究竟我放空自己在想甚麽？是想逃離嗎？看著舊同學的合照，婷欣也曾經
後悔過來了這所學校，也許我們都在午夜夢迴發覺自己原來不適合這樣的地方，但那時
候已經過去半年，想退也不能退了，幸好在恒商認識了現在的男朋友，可能是冥冥中自
有注定。
恒商這故事雖然畫上句號，但「辛辛」學子的大學之路還未完。青春熱血考大學，但願
你升讀大學的時候，血仍未冷，還會想讀書，而不是荒廢三四年只為那張文憑。 | p*********8
发帖数: 3365 | | c*****g
发帖数: 716 | 3 我真的很痛恨东亚的教育体系！
【在 q****3 的大作中提到】
: 2013年2月18日 | 分類: 文藝交流,最新文章綜覽 | 作者: 林婷欣 , 思兼
: 恒生商學書院曾經是香港的尖子搖籃，「辛辛」學子夢寐以求既學校，入到去彷彿只係
: 坐響入面就有A。上年隨著A-Level既完結正式成為歷史，A常在的崔康常校長亦即將離
: 任恒生管理學院校長一職，另謀高就。
: 時代過去，隨著高考而來淚印與歡笑都隨之被沖擦掉。然而當年五六百個A既背後，究
: 竟點樣讀先可以有呢個現代神話既出現？神話的光芒下，它既影子又有多長呢？今日恒
: 商畢業生思兼（2010）與婷欣（2012）與大家分享這段秘辛。
: 一、開始你點解入恒商既？同埋幾分入恒商？
: 思兼：當初舊校長應承左我班既英文老師唔會轉，結果新校長調走左佢，諗住自己23分
: 又唔係無本錢走，半意氣用事咁就走左。故打算去恒商博一搏，一開頭唔收的，但最後
|
|
|
|
|
|
|
